Պենտագոնի ղեկավար Փիթ Հեգսեթը հուլիսի 18-ին Իսրայելի պաշտպանության նախարար Իսրայել Կացի հետ հանդիպմանը շնորհավորել է նրան 12-օրյա պատերազմում «հիանալի» գործողությունների կապակցությամբ, որոնք ճանապարհ են հարթել «Կեսգիշերային մուրճ» գործողության «ապշեցուցիչ հաջողության» համար։ Այս մասին ասվում է ԱՄՆ պաշտպանության նախարարության պաշտոնական ներկայացուցիչ Շոն Փարնելի հաղորդագրության մեջ։

«Նախարար Հեգսեթը ողջունել է սեփական պաշտպանության համար համարձակ քայլեր ձեռնարկելու Իսրայելի պատրաստակամությունը։ Նախարարն ընդգծել է, որ Պաշտպանության նախարարությունը կշարունակի ամրապնդել Իսրայելի՝ իրեն պաշտպանելու կարողությունը՝ նախագահ Թրամփի՝ ուժի միջոցով խաղաղության հասնելու առաքելության շրջանակներում։ Երկու առաջնորդներն էլ պայմանավորվել են համատեղ աշխատել ընդհանուր սպառնալիքների վերացման և տարածաշրջանում խաղաղության հաստատման ուղղությամբ»,- ասվում է հաղորդագրության մեջ։