Իրանը որոշել է վերսկսել համագործակցությունը ԱԷՄԳ-ի հետ իր միջուկային ծրագրի շուրջ: Միջազգային տեսուչների պատվիրակությունը կայցելի երկիր առաջիկա շաբաթներին, հաղորդում է The Wall Street Journal-ը:

Իրանցի պաշտոնյայի խոսքով՝ Թեհրանը առաջիկա մի քանի շաբաթների ընթացքում կընդունի Ատոմային էներգիայի միջազգային գործակալության (ԱԷՄԳ) պատվիրակությանը: Սա առաջին ազդանշանն է, որ երկիրը կարող է թույլատրել միջազգային տեսուչներին վերսկսել երկրում միջուկային գործունեության մոնիթորինգը:

Նշվում է, որ այս քայլը տեղի է ունենում Իրանի և եվրոպական երկրների միջև հուլիսի 25-ին նախատեսված բանակցությունների ֆոնին:

Բանակցությունների ընթացքում կողմերը կուսումնասիրեն Իրանի և Միացյալ Նահանգների միջև բանակցությունների վերսկսման հեռանկարները՝ հունիսին իրանական միջուկային օբյեկտներին Իսրայելի և Ամերիկայի ռազմական հարվածներից հետո: