Ամերիկայի նախագահ Դոնալդ Թրամփը զգուշացրել է Ալյասկայի, Հավայան կղզիների և ԱՄՆ Խաղաղօվկիանոսյան ափի մոտ ցունամիի հնարավոր վտանգի մասին։

«Խաղաղ օվկիանոսում տեղի ունեցած ուժեղ երկրաշարժի պատճառով Հավայան կղզիների բոլոր բնակիչների համար ուժի մեջ է մտնում ցունամիի մասին նախազգուշացումը: Ալյասկան և ԱՄՆ-ի խաղաղօվկիանոսյան ափը գտնվում են ցունամիի վտանգի տակ: Ճապոնիան նույնպես սպառնալիքի տակ է», - գրել է ամերիկացի առաջնորդը Truth Social-ում:

Ավելի վաղ Օահու կղզու իշխանությունները, որտեղ գտնվում է Հավայան նահանգի մայրաքաղաք Հոնոլուլուն, կոչ են արել տեղի բնակիչներին տարհանվել ափամերձ տարածքներից: ԱՄՆ ափային պահպանությունը հրամայել է Հավայան նահանգում կայանված բոլոր նավերին լքել նավահանգիստները՝ Կամչատկայում տեղի ունեցած հզոր երկրաշարժից առաջացած ցունամիի սպառնալիքի պատճառով:

Ճապոնիայում գրանցվել են 30-50 սմ բարձրությամբ ալիքներ։ Ավերածությունների կամ զոհերի մասին տեղեկություններ չկան։