նախընտրելի դարձնել
Ըստ The Washington Post (WP) թերթի աղբյուրների՝ ԱՄՆ-ի նախկին փոխնախագահ և նախագահի պաշտոնի դեմոկրատների նախկին թեկնածու Քամալա Հարիսը չի բացառել նախագահական ընտրություններում իր թեկնածությունը առաջադրելու հնարավորությունը։
Անհայտ է, թե Հարիսը, երբ կարող է հայտարարել նման որոշման մասին։ Սակայն նա արդեն հայտարարել է, որ չի մասնակցի հաջորդ տարի Կալիֆոռնիայի նահանգապետի ընտրություններին։ «Լուրջ մտորումներից հետո ես որոշեցի, որ չեմ առաջադրվի նահանգապետի պաշտոնում», - ասվում է X-ում հրապարակված հայտարարության մեջ։
Հարիսի որոշումը «շարունակում է նրա քաղաքական ապագայի մասին գուշակությունների խաղը, որը սկսվել է նախագահական ընտրություններում՝ Դոնալդ Թրամփից կրած ջախջախիչ պարտությունից հետո», - ասվում է հրապարակման մեջ։ Դրանից հետո ԱՄՆ-ի նախկին փոխնախագահը ամիսներ շարունակ մտածել է, թե արդյոք առաջադրվի Կալիֆոռնիայի նահանգապետի պաշտոնում, նորից առաջադրի՞ իր թեկնածությունը նախագահի պաշտոնում, թե՞ ընդհանրապես հեռանա քաղաքականությունից, տեղեկացնում է WP-ը։
Ընթացիկ տվյալներով Կալիֆոռնիայի նահանգապետը դեմոկրատ Գևին Նյուսոմն է, որն այդ պաշտոնը զբաղեցնում է 2019 թվականից։ Նահանգապետի ընտրությունները տեղի կունենան 2026 թվականին։ Մինչև 2021 թվականին Հարիսը ԱՄՆ-ի փոխնախագահ դառնալը՝ նա չորս տարի Կոնգրեսի սենատոր է եղել Կալիֆոռնիայից, իսկ 2011-2017 թվականներին զբաղեցրել է նահանգի գլխավոր դատախազի պաշտոնը։
