Նախընտրելի
Ուկրաինայի նախագահ Վլադիմիր Զելենսկին արձագանքել է ԱՄՆ նախագահ Դոնալդ Թրամփի խոսքերին, որը նախօրեին հայտարարել էր Ռուսաստանի և Ուկրաինայի միջև պատերազմը դադարեցնելու նպատակով ապագայում հնարավոր «տարածքների փոխանակման» մասին։
«Ուկրաինայի տարածքային հարցի պատասխանն արդեն իսկ Ուկրաինայի Սահմանադրության մեջ է։ Ոչ ոք չի կարողանա և չի նահանջի դրանից։ Ուկրաինացիներն իրենց հողը զավթիչին չեն նվիրի»,- հայտարարել է Զելենսկին իր առավոտյան ելույթում։
Նախորդ օրը Wall Street Journal-ը, հղում անելով աղբյուրներին, հայտնել է, որ Վլադիմիր Պուտինը, ենթադրաբար, պատրաստ է զինադադարի՝ Ուկրաինայի կողմից Դոնեցկի և Լուգանսկի շրջաններից հրաժարվելու դիմաց, որոնք մեծ մասամբ վերահսկվում են Ռուսաստանի կողմից։
«Ուկրաինան պատրաստ է իրական որոշումների, որոնք կարող են խաղաղություն բերել։ Ցանկացած որոշում, որը մեր դեմ է, ցանկացած որոշում, որը Ուկրաինայից դուրս է, միաժամանակ խաղաղության դեմ որոշումներ են։ Դրանք ոչինչ չեն հանգեցնի։ Դրանք մեռած լուծումներ են, դրանք երբեք չեն գործի»,- գրել է Զելենսկին՝ հավելելով, որ պատրաստ է համագործակցել Թրամփի և այլ գործընկերների հետ՝ «իրական խաղաղության համար»։
Թրամփն ու Պուտինը կհանդիպեն հրադադարի շուրջ օգոստոսի 15-ին ԱՄՆ Ալյասկա նահանգում։
