Ըստ Եվրոստատի տվյալների, 2025 թվականի հուլիսի դրությամբ ԵՄ երկրներում նվազագույն ամսական աշխատավարձը (մինչև նվազեցումները) կազմել է 551 եվրոյից Բուլղարիայում մինչև 2 704 եվրո Լյուքսեմբուրգում, հայտնում է Euronews-ը։

Եթե հաշվի առնենք ԵՄ անդամության թեկնածու երկրները, ապա ամենացածր նվազագույն աշխատավարձն Ուկրաինայում է՝ 164 եվրո։

ԵՄ հինգ երկրներում՝ Ավստրիայում, Դանիայում, Իտալիայում, Ֆինլանդիայում և Շվեդիայում, նվազագույն աշխատավարձի չափ ընդհանրապես սահմանված չէ։

Բացառությամբ Ֆրանսիայի, որտեղ այն կազմում է 1802 եվրո, բարձրագույն խմբի մեջ մտնող մյուս բոլոր երկրները նվազագույն աշխատավարձի չափը սահմանել են երկու հազարից ավելի։ Բացի Լյուքսեմբուրգից, դրանք են Իռլանդիան (2282 եվրո), Նիդեռլանդները (2246 եվրո), Գերմանիան (2161 եվրո) և Բելգիան (2112 եվրո)։