նախընտրելի դարձնելՄիջազգային քրեական դատարանը (ՄՔԴ) Լիբիայի իշխանություններից պահանջում է տեղեկություններ տրամադրել Ջամահիրիայի սպանված առաջնորդ Մուամար Քադաֆիի ավագ որդու` Սեյֆ ալ-Իսլամ Քադաֆիի առողջական վիճակի եւ իրավական կացության վերաբերյալ: ՄՔԴ-ն Անցումային ազգային խորհրդի առաջ տեղեկատվության տրամադրման վերջնաժամկետ է դրել, որն ավարտվում է հունվարի 23-ի երեկոյան:
Սեյֆ Ալ-Իսլամի վիճակի հետ կապված ՄՔԴ-ի առաջարկած նախկին ժամկետը լրացել է հունվարի 10-ին: Եթե լիբիական կառավարությունը հրաժարվի համագործակցել ՄՔԴ-ի հետ, դատարանը կարող է բողոքել ԱԱԽ-ին ՄԱԿ-ի Անվտանգության խորհրդին, հաղորդում է BBC-ն:
ՄՔԴ-ը լիբիական իշխանություններից Սեյֆ ալ Իսլամ Քադաֆիի մոտ մուտքի թույլտվություն է խնդրել` նրա հոգեկան եւ ֆիզիկական առողջությանը ծանոթանալու համար:
Հիշեցնենք, որ ավելի վաղ 2011 թվականի նոյեմբերի 19-ին գերված Սեյֆ ալ Իսլամ Քադաֆիի մատների հատվածում կյանքի համար վտանգավոր փտախտ էր սկսվել, եւ նրան շտապ վիրահատություն է անհրաժեշտ:
ՄՔԴ-ը հունիսին Սեյֆի ձերբակալման հրաման էր տվել` նրան մեղադրելով մարդկության դեմ կատարած հանցագործությունների մեջ: Այժմ դատարանը Հաագայում փորձում է հասնել Սեյֆի նկատմամբ հանրային գործընթացի: Սակայն Լիբիայի ժամանակավոր կառավարությունը հասկացրել է, որ մտադիր է Քադաֆիի որդուն դատել հայրենիքում: Քադաֆիի որդու կատարած հանցագործությունների ծանրությունն այնքան մեծ է, որ նրան կարող են մահապատժի դատապարտել:
