նախընտրելի դարձնելՍանկտ Պետերբուրգի մաքսավորները «Պուլկովո» օդանավակայանում ձերբակալել են մի հղի կնոջ, քանի որ նրա փորում հայտնաբերել են ոչ մի այն երեխային, այլեւ մեկ կգ թմրանյութ:
Ինչպես հաղորդում է ՌԴ Հյուսիս-արեւմտյան մաքսային վարչության կայքը, պարզվել է, որ թմրանյութեր տեղափոխող կինը Քուլյաբա քաղաքի բնակչուհի է, ով Սանկտ Պետերբուրգ է եկել Դուշանբեից:
Կնոջն ու նրան դիմավորող տղամարդուն ձերբակալել են: Ավելի ուշ, արդեն հիվանդանոցում, հայտնի է դարձել, որ կնոջ մարմնում եղել է հերոինով եւ փսիխոտրոպ դեքստրոմետորֆանով լի 80 սրվակ` 866,99 գրամ ընդհանուր զանգվածով:
Ձերբակալվածների դեմ քրգործ է հարուցվել: Ձերբակալված տղամարդը հերքում է իր մեղքի բաժինը:
Սա 2012 թվականին արդեն Պուլկովոյի մաքսավորների կողմից երրորդ դեպքն է, երբ ձերբակալվում են թմրանյութ տեղափոխողներ:
Նախօրեին իրավապահները ձերբակալել էին Տաջիկստանի մի քաղաքացու, ով թռչում էր Դուշանբեից եւ նրա մարմնում հայտնաբերվել էր հերոինի 71 փաթեթ:
