Շվեդիայի զինված ուժերը հայտնել են Բալթիկ ծովում ռուսական սուզանավ տեսնելու մասին

Շվեդիայի զինված ուժերը չորեքշաբթի օրը հայտարարել են, որ իրենք հետևել են ռուսական սուզանավին, որը մեկ օր առաջ մտել էր Բալթիկ ծով, այն անվանելով իրենց դաշնակիցների հետ համագործակցությամբ իրականացվող «սովորական գործողություն», հայտնում է AFP-ն։

Շվեդիայի վարչապետ Ուլֆ Կրիստերսոնը հունվարին հայտարարել է, որ Շվեդիան «պատերազմի մեջ չէ, բայց խաղաղություն էլ չկա»։

Կրիստերսոնն ասել է, որ ողջ Բալթիկ ծովի տարածաշրջանը ենթարկվել է «հիբրիդային հարձակումների»՝ նկատի ունենալով ապատեղեկատվությունը և ստորջրյա մալուխների վնասման հետ կապված մի շարք միջադեպեր։

«Ռուսական սպառնալիքը, ամենայն հավանականությամբ, երկարաժամկետ բնույթ ունի։ Այդպիսին պետք է լինի նաև մեր պաշտպանությունը», - ասել է նա։

Երկիրը հրաժարվեց երկու դար տևողությամբ չեզոքությունից և 2024 թվականին միացել է ՆԱՏՕ-ին։