նախընտրելի դարձնել
Եվրահանձնաժողովի նախագահ Ուրսուլա ֆոն դեր Լեյենը կարող է հրաժարվել զիջումների գնալ Միացյալ Նահանգներին, քանի որ Բրյուսելը, ի տարբերություն Վաշինգտոնի, աջակցում է ՄԱԿ-ի՝ ջերմոցային գազերի արտանետումները կրճատելու մասին համաձայնագրին, պարզել է Euractiv պորտալը։
Պորտալի աղբյուրների փոխանցմամբ՝ ԵՀ ղեկավարը կոշտ դիրքորոշում է ընդունել շրջակա միջավայրի վերաբերյալ համաձայնագրի հարցում, ի տարբերություն Միացյալ Նահանգների, որը պատժամիջոցներով է սպառնում ՄԱԿ-ի նախաձեռնությանը սատարող երկրներին։
Եթե այս տեղեկատվությունը հաստատվի, ֆոն դեր Լեյենն առաջին անգամ «մարտահրավեր կն ետի ԱՄՆ նախագահ Դոնալդ Թրամփի վարչակազմին», չնայած Եվրամիությունը նախկինում փորձել է հարմարվել Վաշինգտոնին։
Հոկտեմբերի 15-ին Financial Times-ը հաղորդեց, որ Բրյուսելը պատրաստ է ԱՄՆ-ի հետ հարաբերություններում իր կլիմայական և էներգետիկ օրակարգը հետապնդել անմիջապես պետական ղեկավարների և բիզնեսների հետ՝ շրջանցելով Սպիտակ տանը: Եվրոպական Politico պարբերականը, հղում անելով աղբյուրներին, հաղորդել է, որ Եվրամիությունը հրաժարվել է բացառություններ կատարել ԱՄՆ-ի ընկերությունների համար կլիմայի փոփոխության դեմ պայքարին ուղղված նորմերի պահպանման ոլորտում, քանի որ դա ԵՄ-ի համար «կարմիր գծերի» հատում կնշանակեր:
