ՄԱԿ Անվտանգության խորհրդի բարեփոխումը վաղուց է հասունացել, սակայն քիչ հավանական է, որ շդա ուտով տեղի ունենա։ Politico-ի հարցազրույցում Այսպիսի կարծիք է հայտնել ՄԱԿ Գլխավոր ասամբլեայի 80-րդ նստաշրջանի նախագահ Աննալենա Բերբոքը։

Գերմանիայի նախկին արտգործնախարարի խոսքով՝ այս ուղղությամբ առաջընթացը պետք է լինի «քայլ առ քայլ», «ավելի մեծ թափանցիկության» եւ «վետոների համար բացատրությունների պահանջների» միջոցով։

Բերբոքը նաեւ կարծում է, որ «կազմակերպության վրա ֆինանսական ճնշման աճը» հաշվի առնելով՝ ՄԱԿ գործունեության հիմնական ոլորտները պետք է ավելի հստակ սահմանվեն։ Դրանց թվում նա նշել է «շրջափակումների հաղթահարումը», կազմակերպության արդյունավետության բարձրացումը, օրինակ՝ գործակալությունների միավորման, դաշտային անձնակազմի թվի ավելացման եւ արհեստական ​​բանականության օգտագործման միջոցով։

ՄԱԿ-ում Միացյալ Նահանգների դերի վերաբերյալ Բերբոքը նշել է, որ դեռեւս տեսնում է բազմակողմանիության ուժեղ եւ կարեւոր աջակցություն, չնայած ԱՄՆ նախագահ Դոնալդ Թրամփի «Ամերիկան ​​առաջին հերթին» սկզբունքի պնդմանը։ Կազմակերպությունը մնում է «այն վայրը, որտեղ վիճելի հարցերը պետք է լուծվեն եւ լուծումներ մշակվեն», եւ կարեւոր է կասկածի տակ չդնել ՄԱԿ կանոնադրությունը, ավելացրել է Բերբոքը։