Նախընտրելի
Այս տարի Նիգերում հեղեղումների հետեւանքով զոհվել է ավելի քան 120 մարդ, տուժածների ընդհանուր թիվը հասել է մոտ 550 հազարի։ Այս մասին տեղեկացրել է ՄԱԿ մարդասիրական գործերի համակարգման գրասենյակը (ՄԳՀԳ):
ՄԳՀԿ-ն ներկայիս հեղեղումներն անվանել է մահասփյուռ՝ նշելով, որ պաշտոնական տվյալների համաձայն՝ «մահացել է ավելի քան 120 մարդ, ավերվել է գրեթե 55 հազար տուն, ջրի տակ է անցել ավելի քան 10 հազար ակր գյուղատնտեսական հողատարածք»: Հեղեումներից «այս տարի տուժել է մոտ 550 հազար մարդ, որոնցից ամենաշատը տուժել են Դոսո, Թիլաբերի եւ Մարադի շրջանները»:
ՄԱԿ-ը եւ նրա հումանիտար գործընկերներն աջակցում են Նիգերի կառավարությանը՝ տուժածներին օգնություն ցուցաբերելու ջանքերում, սակայն «ռեսուրսները մնում են չափազանց սահմանափակ»: ՄԳՀԿ-ն նշել է, որ Նիգերի հեղեղումների արձագանքման ծրագիրը «այս տարի ֆինանսավորվել է մեկ հինգերորդից էլ պակաս, անհրաժեշտ 603 միլիոն դոլարից ստացվել է 111 միլիոն դոլար»:
