նախընտրելի դարձնել
Ուրբաթ երեկոյան Բիլեֆելդի փողոցներ է դուրս եկել մոտ չորս հազար մարդ՝ Գերմանիայի կանցլեր Ֆրիդրիխ Մերցի դեմ բողոքի ակցիա անցկացնելու համար, տեղեկացրել է Bild-ը։
«Wir sind das Stadtbild!» («Մենք քաղաքի դեմքն ենք») կարգախոսով անցկացված հանրահավաքը կազմակերպվել է Bielefelder Bündnis gegen Rechts շարժման կողմից՝ ի պատասխան կանցլերի վերջին հայտարարությունների «քաղաքի դիմագծի» եւ միգրացիոն քաղաքականության մասին, որոնք լայն քննադատություն են առաջացրել։
Սակայն հանրահավաքի գլխավոր սենսացիան մասնակիցների մեծ թիվը չէր, այլ հայտնի քաղաքական գործչի՝ Բիլեֆելդից Բունդեսթագի պատգամավոր եւ Գերմանիայի Սոցիալ-դեմոկրատական կուսակցության խմբակցության փոխնախագահ, սոցիալ-դեմոկրատ Վիբկե Էսդարի ներկայությունը։
Ավելի վաղ Մերցը քննադատության էր ենթարկվել իր այն խոսքերից հետո, որ «գերմանական շատ քաղաքներ այլեւս գերմանական տեսք չունեն»։
Այդ հայտարարությունները վրդովմունքի փոթորիկ են առաջացրել ընդդիմության եւ քաղաքացիական կազմակերպությունների շրջանում, որոնք մեղադրել են կանցլերին պոպուլիզմի եւ հասարակությանը լարելու մեջ։
Բիլեֆելդում տեղի ունեցած խաղաղ ցույցը վերջին շաբաթների ընթացքում դարձել է Մերցի դեմ ուղղված ամենանկատելի բողոքի ցույցերից մեկը, իսկ առաջին շարքում Սոցիալ-դեմոկրատական կուսակցության ներկայացուցչի ներկայությունը միջոցառմանը հատուկ քաղաքական ռեզոնանս է հաղորդել։
