Թաիլանդի և Կամբոջայի ղեկավարները կիրակի օրը ընդլայնված հրադադարի համաձայնագիր են ստորագրել ԱՄՆ նախագահ Դոնալդ Թրամփի ներկայությամբ, որը հուլիսին միջամտել էր՝ վերջ դնելու իրենց մահացու հնգօրյա սահմանային հակամարտությանը, հայտնում է Reuters-ը։

Համաձայնագիրը ստորագրվել է Թրամփի՝ Կուալա Լումպուրում Հարավարևելյան Ասիայի պետությունների ասոցիացիայի գագաթնաժողովին ժամանելուց անմիջապես հետո։

Ստորագրված համաձայնագիրը հիմնված է երեք ամիս առաջ ձեռք բերված զինադադարի վրա այն բանից հետո, երբ Թրամփը զանգահարել էր երկու երկրների ղեկավարներին և կոչ արել դադարեցնել ռազմական գործողությունները՝ սպառնալով կասեցնել ԱՄՆ-ի հետ առևտրային համաձայնագրերը։