Ռուսաստանի ուղղակի ներդրումների հիմնադրամի (РФПИ) ղեկավար և նախագահի հատուկ ներկայացուցիչ Կիրիլ Դմիտրիևը վերջին օրերին հանդիպել է ամերիկացի պաշտոնյաների հետ, հայտնել է РИА Новости-ի աղբյուրը։

«Ռուսաստանի Դաշնության նախագահի՝ օտարերկրյա պետությունների հետ ներդրումային և տնտեսական համագործակցության հարցերով հատուկ ներկայացուցիչ Կիրիլ Դմիտրիևի հանդիպումները նախագահ Թրամփի վարչակազմի ներկայացուցիչների հետ կայացել են հոկտեմբերի 24-ին և 25-ին, և կշարունակվեն հոկտեմբերի 26-ին», – ասել է գործակալության զրուցակիցը։

Ուրբաթ օրը Դմիտրիևը գտնվել է Նյու Յորքում։ Նույն օրը Axios պորտալը գրել է նրա հնարավոր հանդիպման մասին՝ Դոնալդ Թրամփի հատուկ դեսպան Սթիվ Ուիթկոֆի հետ Մայամիում։

Հինգշաբթի օրը Սպիտակ տան ղեկավարը հայտարարել է, որ չեղարկում է Վլադիմիր Պուտինի հետ Բուդապեշտում նախատեսված հանդիպումը, որի մասին նրանք պայմանավորվել էին նախորդ շաբաթվա հեռախոսազրույցի ընթացքում։ Նա նշել է, որ մտադիր է այն անցկացնել ապագայում։

РФПИ-ի ղեկավարը նախօրեին ամերիկյան հեռուստաալիքներին տված հարցազրույցում վստահություն է հայտնել, որ բանակցությունները տեղի կունենան, սակայն, հավանաբար, ավելի ուշ։

ՌԴ նախագահի մամուլի քարտուղար Դմիտրի Պեսկովը հստակեցրել է, որ դժվար է չեղարկել այն, ինչի վերաբերյալ կոնկրետ պայմանավորվածություն չի եղել, քանի որ ժամկետներ ոչ ոք չի նշել։