նախընտրելի դարձնել
«Արցախբանկ» ՓԲԸ-ն ամփոփել է 2025թ. հուլիսի 1-ից սեպտեմբերի 30-ը ներառյալ Mastercard-ի հետ համատեղ իրականացված «2 քայլ դեպի ԷԼԵԿՏՐՈՄՈԲԻԼ»՝ տարվա ամենաթեժ քարտային արշավի արդյունքները:
Հիշեցնենք, որ արշավի շրջանակներում Բանկի Mastercard քարտապանները հնարավորություն ունեին երեք ամսվա ընթացքում՝ Բանկի Mastercard քարտերով անկանխիկ վճարումներ և գնումներ կատարելով ու միավորներ կուտակելով, մասնակցել խաղարկությանը և շահել էլեկտրոմոբիլ, ինչպես նաև այլ արժեքավոր նվերներ՝ 10 հանգստի ուղեգիր և 10 Mastercard Travel World պրեմիում քարտ։
Օրերս Երևանում` ՌԻՈ Մոլ առևտրի կենտրոնում, կայացել է խաղարկություն՝ Բանկի 100 քարտապանների միջև: Խաղարկության արդյունքում ակցիայի գլխավոր մրցանակին է արժանացել Բանկի երկար տարիների հավատարիմ քարտապան Հայկ Ղուլյանը: Մնացած 20 հաջողակները ստացել են վկայագրեր` 2-օրյա հանգստի փաթեթ 2 անձի համար Հայաստանի գեղատեսիլ վայրերից մեկում՝ Ծաղկաձորում, կամ Mastercard Travel World քարտ՝ առանց սպասարկման վճարի քարտի գործողության ողջ ընթացքում:
Հանդիսավոր միջոցառմանը բարձր տրամադրություն և ջերմ մթնոլորտ է ապահովել բոլորիս կողմից սիրված անզուգական դերասանական դուետը՝ Պոնչն ու Տոման:
Ակցիայի ամփոփմանն իր ողջույնի խոսքում Բանկի Վարչության նախագահի խորհրդական Վահագն Մուրադյանը շնորհակալություն է հայտնել ակցիային մասնակցած բոլոր հավատարիմ քարտապաններին՝ Բանկին և ընկերության նախաձեռնություններին վստահություն ցուցաբերելու համար: Նաև կոչ է արվել հաճախորդներին հետևել և մասնակցել առաջիկայում Բանկի կողմից նախատեսվող ավելի մասշտաբային և հետաքրքիր ձևաչափով շահեկան քարտային արշավներին:
Առանձին ուշադրություն է հրավիրվել և հատուկ շնորհակալական խոսքեր են հնչեցվել նաև Բանկի լավագույն գործընկերներից հանդիսացող Mastercard ընկերության հասցեին:
Արցախբանկը հետամուտ է իր բանկային ծառայությունների, այդ թվում՝ քարտային պրոդուկտների զարգացմանը և անկանխիկ գործառնությունների խթանմանը, որոնք նպաստում են Բանկ-հաճախորդ փոխշահավետ համագործակցության խորացմանը:
Արցախբանկը վերահսկվում է ՀՀ Կենտրոնական բանկի կողմից:
