Նիգերիայում քրիստոնեությունը կանգնած է գոյության սպառնալիքի առաջ։ Հազարավոր քրիստոնյաներ մահանում են, սոցիալական ցանցերում գրել է ԱՄՆ նախագահ Դոնալդ Թրամփը։

 «Արմատական ​​իսլամիստներն են պատասխանատու այս կոտորածի համար։ Ես այսուհետ Նիգերիան հայտարարում եմ «ԱՌԱՆՁՆԱՀԱՏՈՒԿ ՄՏԱՀՈԳՈՒԹՅՈՒՆ ԱՌԱՋԱՑՆՈՂ ԵՐԿԻՐ», բայց դա դեռ ամենը չէ։

Երբ քրիստոնյաները կամ որևէ այլ նմանատիպ խումբ ենթարկվում է կոտորածի, ինչը տեղի է ունենում Նիգերիայում՝ 4476-ից  3100-ը (հաշվետու ժամանակահատվածում ամբողջ աշխարհում իրենց հավատքի համար սպանված 4476 քրիստոնյաներից 3100-ը (69%) Նիգերիայից էին -խմբ), պետք է ինչ-որ բան ձեռնարկել։

Ես խնդրում եմ կոնգրեսական Ռայլի Մուրին, նախագահ Թոմ Քոուլին և Ներկայացուցիչների պալատի հատկացումների հանձնաժողովին անհապաղ ուսումնասիրել այս հարցը և  արդյունքների մասին զեկուցել ինձ։

Միացյալ Նահանգները չի կարող անտարբեր մնալ, երբ նման վայրագություններ են տեղի ունենում Նիգերիայում և շատ այլ երկրներում։ Մենք պատրաստ ենք, ցանկանում և կարող ենք փրկել մեր մեծ քրիստոնեական համայնքը ամբողջ աշխարհում»,- նշել է Թրամփը։