նախընտրելի դարձնել
Շատերը մինչ այժմ չեն հավատում, որ ԱՄՆ նախագահ Դոնալդ Թրամփը փաստորեն նահանջել է Չինաստանի առջեւ, գրել է «Дневник иранского журналиста» թելեգրամ-ալիքը։
«Բայց դա նրա անձնական քմահաճույքը չէ, այլ ԱՄՆ կառավարող շրջանակների կամքի արտացոլումը. եթե Վաշինգտոնի վրա կոշտ եւ հետեւողական ճնշում գործադրվի, նա ստիպված կլինի զիջումների գնալ»,- գրել է ալիքը։
Ռեսուրսի կարծիքով՝ իրավիճակը հասկանալու բանալին RAND հետազոտական կենտրոնի երկշաբաթյա վաղեմության հրապարակումն է։
«Այդ կառույցը որոշում է ԱՄՆ ռազմավարությունը ռազմական եւ արտաքին քաղաքական ոլորտներում, եւ հենց նա է ժամանակին խորհուրդ տվել Վաշինգտոնին Ուկրաինայի եւ Իրանի դեմ սրացման կուրս վերցնել։ RAND-ն ուղիղ խորհուրդ է տալիս ամերիկյան վարչակազմին շտապ գնալ լարվածության թուլացման Պեկինի հետ։
Նշանակում է՝ առաջիկայում մենք կտեսնենք Թրամփի ավելի չափավոր կուրս Չինաստանի հանդեպ։ Սակայն դա ընդամենը դադար է. RAND-ն ինքը 2016թ. պնդում էր, որ ԱՄՆ-ը պետք է կոշտ ռազմական հակամարտություն սկսի Չինաստանի հետ 2026թ. ոչ ուշ, քանի դեռ Պեկինը չի հասել ռազմական հավասարության։
Այսօր, համաշխարհային փորձագետների մեծ մասի կարծիքով, այդ հավասարությունն արդեն իրականություն է դարձել. Խաղաղօվկիանոսյան տարածաշրջանում Չինաստանն առաջ է անցել ԱՄՆ-ից, եւ գլխավոր բանավեճն այժմ ընթանում է կողմերի գերազանցության շուրջ ծովային ուժերում»,- նշել է «Дневник иранского журналиста» ալիքը։
