նախընտրելի դարձնելԱՄՆ կոնգրեսի քննարկմանն է ներկայացվել 1 դոլարանոց թղթադրամները մետաղադրամով փոխարինելու մասին օրինագիծ:
Ինչպես հաղորդում է The Wall Street Journal-ը, այդ գաղափարի կողմնակիցները բերում են այն փաստարկը, թե թղթադրամի ծախսն ավելի շատ է, քան մեդաղադրամինը: Թղթադրամը ծառայում է 36 ամիս, մեկ թղթադրամի արժեքը յոթ սենթ է կազմում: Մետաղադրամի հատումը թեեւ 2-3 անգամ թանկ է, սակայն այն շրջանառության մեջ կարող է գտնվել մոտ 30 տարի:
Միժամանակ նշվում է, որ ամերիկացիների երեք չորրորդը չեն պաշտպանում այդ գաղափարը: Անցած տարի ԱՄՆ ֆինանսների նախարարությունը հայտարարել էր, թե դոլարային մետաղադրամների 40%-ը չի օգտագործվում:
Այդուհանդերձ, 2011թ. ԱՄՆ կոնգրեսի բյուջետային վարչությունը պնդել է ամբողջությամբ հրաժարվել դոլարային թղթադրամներից` ավելացնելով, որ նման միջոցառումը կօգնի տնտեսել 5,5 մլրդ դոլար` 30 տարվա ընթացքում:
