նախընտրելի դարձնել
Cloudflare վեբ ենթակառուցվածքներով զբաղվող ընկերության աշխատանքում գլոբալ խափանումը երեքշաբթի հիմնական ինտերնետային հարթակներին, դրանց թվում՝ X-ին և ChatGPT-ին հասանելիությունը հազարավոր մարդկանց կողմից կորցնելուց հետո սկսել է մեղմվել, հաղորդում է Reuters-ը։
Cloudflare ընկերությունը, որի ցանցը մշակում է վեբ-թրաֆիկի մոտ մեկ հինգերորդը, հայտարարել է, որ արևելյան ժամանակով ժամը 6:40-ի սահմաններում սկսել է ներքին ծառայության վատթարացման խնդրի հետաքննությունը։ Ընկերությունը մշակել է խնդրի լուծման միջոց, սակայն որոշ հաճախորդներ կարող են դեռևս տուժել, երբ ծառայությունը վերականգնվի։
Amazon-ի ամպային ծառայության անցյալ ամսվա խափանումը համաշխարհային խափանումներ առաջացրեց, քանի որ հազարավոր հայտնի կայքեր և հավելվածներ, ներառյալ՝ Snapchat-ը և Reddit-ը, խափանումների պատճառով անհասանելի էին։
Cloudflare-ը, որի բաժնետոմսերը շուկայական առևտրում մոտ 5%-ով նվազել են, գործարկում է աշխարհի խոշորագույն ցանցերից մեկը, որն օգնում է կայքերին և հավելվածներին ավելի արագ բեռնվել և մնալ առցանց՝ պաշտպանելով դրանք թրաֆիկի կտրուկ աճից և կիբեռհարձակումներից։
Վերջին խափանման պատճառով հազարավոր օգտատերեր չկարողացան մուտք գործել Canva, X, Grindr և ChatGPT-ի կարգի հարթակներ, ինչը նրանց ստիպեց խափանումների մասին զեկույցներ ներկայացնել Downdetector-ին։
Սկայն, ինչպես ցույց տվեց խափանումների հետևման գործիքը, ժամը 8-ի դրությամբ Cloudflare-ի խնդիրների մասին հաղորդագրությունների թիվը նվազել էր մինչև մոտավորապես 600՝ 5000-ի գագաթնակետից: Downdetector-ը հետևում է խափանումներին՝ համադրելով կարգավիճակի մասին հաղորդագրությունները բազմաթիվ աղբյուրներից:
Քանի որ այս թվերը հիմնված են օգտատերերի ներկայացրած հաղորդագրությունների վրա, տուժած օգտատերերի իրական թիվը կարող է տարբեր լինել:
«Մենք Cloudflare-ի ծառայություններից մեկին անսովոր թրաֆիկի աճ նկատեցինք, որը սկսվել էր 11:20 ըստ Գրինվիչի: Դա հանգեցրել է սխալների Cloudflare-ի ցանցով անցնող թրաֆիկի մեջ, -ասված է ընկերության հայտարարության մեջ: -Մենք հանձնառու ենք ապահովել, որ բոլոր թրաֆիկները սպասարկվեն առանց սխալների»:
