Նախընտրելի
Եվրոպական միությունը քննարկում է Եվրոպական սահմանային և առափնյա պահպանության գործակալության (Frontex-ի) գործառույթների փոփոխության հնարավորությունը, ներառյալ դրա լիազորությունների ընդլայնումը։ Այս մասին հայտնել է Euractiv պորտալը՝ հղում անելով ներքին փաստաթղթերին։
Ըստ տվյալների՝ ԵՄ երկրները քննարկում են Frontex-ի անձնակազմին անօդաչու թռչող սարքերի օպերատորներ, կիբերհսկողության ստորաբաժանումներ և արհեստական բանականության համակարգեր օգտագործող թիմեր ավելացնելու հնարավորությունը։
Ավելի վաղ Եվրահանձնաժողովի նախագահ Ուրսուլա ֆոն դեր Լեյենը հայտարարել էր հաջորդ տարի Frontex-ի մանդատի վերանայման մասին և որ հարցը ներառված է ԵՄ-ի 2026 թվականի աշխատանքային պլանում։ Ներկայումս Frontex-ն օգնում է ԵՄ երկրներին համայնքի արտաքին սահմանների պահպանության հարցում՝ տեղերում օպերատիվ աջակցություն ցուցաբերելով, անդրսահմանային հանցավորությանը հակազդելով, տեղեկություններ հավաքելով և արտաքսման ընթացակարգերին աջակցելով։
