Ուկրաինայի անվտանգության ծառայությունը հայտնել է, որ իրականացրել է ևս մեկ եզակի հատուկ գործողություն, և պատմության մեջ առաջին անգամ «Sub Sea Baby» ստորջրյա անօդաչու սարքերը պայթեցրել են Նովոռոսիյսկի նավահանգստում գտնվող ռուսական «Վարշավյանկա» սուզանավը։

Պայթյունի հետևանքով սուզանավը լուրջ վնասվել է և գործնականում շարքից դուրս եկել։

Սուզանավը կրում էր չորս «Կալիբր» թևավոր հրթիռային կայանք, որոնք օգտագործվել են Ուկրաինային հարվածելու համար։

Սուզանավի արժեքը կազմել է մոտ 400 միլիոն դոլար։ Հաշվի առնելով կիրառված միջազգային պատժամիջոցները՝ նմանատիպ սուզանավի կառուցումը կարող է այժմ արժենալ մինչև 500 միլիոն դոլար։ Այս դասի սուզանավեր հայտնի են նաև որպես «Սև խոռոչ»՝ կորպուսի ձայնը կլանելու և սոնարի համար աննկատ մնալու ունակության պատճառով։