Ուժեղ երկրաշարժը ցնցել է Մեքսիկայի հարավը՝ ստիպելով միլիոնավոր մարդկանց շտապել լքել իրենց տները ամանորյա տոնակատարություններից հետո և կարճ ժամանակով ընդհատելով երկրի նախագահ Կլաուդիա Շեյնբաումի ամենօրյա մամուլի ասուլիսը։

Այս մասին հաղորդում է Reuters-ը։

ԱՄՆ երկրաբանական ծառայության տվյալներով, 6,5 մագնիտուդով երկրաշարժը տեղի է ունեցել Գերերո նահանգում՝ խաղաղօվկիանոսյան ափամերձ տարածքի մոտ։

Տուժածների կամ լուրջ վնասների մասին հաղորդումներ առայժմ չկան։