Շվեյցարիայում բարն այրվել է շամպայնի վրայի բենգալյան կրակների պատճառով:

«Ամեն ինչ վկայում է այն մասին, որ հրդեհը սկսվել է շամպայնի շշերին ամրացված վառվող բենգալյան կրակների պատճառով: Դրանք չափազանց մոտ են եղել առաստաղին: Սա հանգեցրել է կրակի շատ արագ տարածմանը»,- ասել է Վալե կանտոնի գլխավոր դատախազ Բեատրիս Պիլուն, հայտնում է DW-ն:

Նա նշել է, որ առայժմ սա է հիմնական վարկածը, սակայն վերջնականապես հաստատված չէ: Ըստ նրա, ևս մեկ գործոն է դարձել այն, որ առաստաղը պատված է եղել ակուստիկ փրփրապլաստով, որն ակնթարթորեն բռնկվել է:

Վերջին տեղեկություններով, զոհվել է առնվազն 40 մարդ, 119-ը վիրավոր են: Նրանցից շատերը ծայրահեղ ծանր վիճակում են:

Զոհերն ու տուժածները հիմնականում Ամանորը տոնող երիտասարդներ են: Որոշ մարմիններ այրվել են մինչև անճանաչելիության աստիճանի, դրանք նույնականացնում են մետաղական աքսեսուարների միջոցով: