Լատվիայի ներքին գործերի նախարարությունը պատրաստել է կառավարության որոշման նախագիծ՝ ալկոհոլի ազդեցության տակ գտնվող վարորդներից եւ այլ քրեական գործերով առգրավված 21 մեքենաների փոխանցման վերաբերյալ, հաղորդել է Delfi-ն։

Դրանց թվում է 22 տարեկան Lincoln Navigator լյուքս դասի շքեղ մեքենան։

Մեքենաները նախատեսված են Ուկրաինայի պաշտպանության նախարարության զորամասերի, Ուկրաինայի Ազգային գվարդիայի, Խարկովի կլինիկական բազմապրոֆիլ ​​երկաթուղային հիվանդանոցի եւ Նովովորոնցովկայի ռազմական վարչակազմի համար։

Մեքենաները արտադրվել են 2000-2019թթ.։ Ուկրաինա ուղարկվող մեքենաներից մեկը 2003թ․ Lincoln Navigator շքեղ ամենագնացն է։

Դրանց շուկայական գինը, որով պետական ​​անվտանգության գործակալությունը կարող էր վաճառել այս մեքենաները, կազմում է մոտավորապես 74 հազար 600 եվրո։

Ուկրաինայի դեմ Ռուսաստանի լայնածավալ պատերազմի սկզբից ի վեր Լատվիան պարբերաբար Ուկրաինային է փոխանցել ալկոհոլի ազդեցության տակ գտնվող վարորդներից եւ այլ քրեական գործերով առգրավված մեքենաներ։