ՆախընտրելիՎինսենթ Վան Գոգի «Սան Ռեմիի մանկատան եւ եկեղեցու տեսարանը» կտավը` կինոաստղ Էլիզաբեթ Թեյլորի հավաքածուից, վաճառվել է փետրվարի 7-ին Christie`s աճուրդային տան կողմից 10,1 միլիոն ֆունտ սթեռլինգով (16 միլիոն դոլար): Լոտի վաճառքի նախնական գինը եղել է 5-7 միլիոն ֆունտ:
Կտավը, որը Վան Գոգն ավարտել էր մահվանից մեկ տարի առաջ (նկարիչը մահացել է 1890 թվականին), 1963 թվականին գնել էր Էլիզաբեթ Թեյլորի հայրը որպես նվեր դստերը:
Աճուրդի ընթացքում վաճառել են նաեւ իսպանացի նկարիչ Խուան Գրիսի «Գիրքը». այն վաճառվել է 10,3 ֆունտով (16,3 միլիոն դոլար):
Ռեկորդը սահմանել է Խուան Միրոյի «Painting-Poem» նկարը` 16,8 միլիոն ֆունտ (26,6 միլիոն դոլար), գրում է Lenta.ru-ն:
Հիշեցնենք, որ Christie`s աճուրդային տունը փետրվարի 7-ին Լոնդոնում բացել էր իմպրեսիոնիստների, սյուրռեալիստների եւ ժամանակակից նկարիչների կտավների երկօրյա աճուրդների շարք: Ցուցադրված աշխատանքների շարում են եղել հոլիվուդյան լեգենդար դերասանուհի Էլիզաբեթ Թեյլորի հավաքածուից 38 նկարներ:
