Իրանի նախագահ Մասուդ Փեզեշքիանը կտրուկ քննադատել է Իրանի ազգի վրա արտաքին ճնշումը, չնայած մարդու իրավունքների պաշտպան լինելու իրենց պնդումներին՝ ընդգծելով, որ երկիրը հզոր է իր ժողովրդի շնորհիվ, հաղորդում է Mehr-ը։

Թեհրանում երեքշաբթի հանրային հավաքի ժամանակ ելույթ ունենալով՝ Մասուդ Փեզեշքիանը հայտարարել է, որ Իրանի հակառակորդները պատժամիջոցների և տնտեսական սահմանափակումների միջոցով փորձում են խոչընդոտել երկրի առաջընթացը, միաժամանակ իրենց ներկայացնելով որպես Իրանի ժողովրդի պաշտպաններ։

Նա հայտարարել է, որ լայնածավալ հանցագործություններ և կոտորածներ կատարածներն այժմ հավատացնում են, թե մարդու իրավունքների պաշտպաններ են՝ նման դիրքորոշումները անվանելով խորապես հակասական։

Խոսելով Գազայում, Լիբանանում և Պաղեստինում մարդասիրական ճգնաժամերի մասին՝ նախագահը շեշտել է մարդու իրավունքների աղաղակող խախտումները։ Ըստ Փեզեշքիանի՝ կանայք, երեխաները, տարեցները և քաղաքացիական անձինք անխտիր ռմբակոծվում են, մինչդեռ մեղավորները խոսում են մարդու իրավունքների մասին։ Դա իսկապես աղետալի իրավիճակ է։

Իրանի նախագահը շեշտել է, որ բոլոր կառավարական հաստատությունները, դրանց թվում՝ վարչակազմը, խորհրդարանը, խորհուրդները և այլ մարմիններ, պետք է սերտորեն կապված մնան հանրության հետ։

Նա հավելել է, որ ուսանողներն ազգային հարստություն են, իսկ մարդիկ՝ երկրի ամենամեծ հարստությունը։ Նա նշել է, որ կառավարության պարտականությունն է լսել ժողովրդին և աշխատել մարդկանց խնդիրները լուծելու ուղղությամբ։ Նախագահ Փեզեշքիանը միաժամանակ ընդգծել է կառավարության հանձնառությունը թափանցիկության նկատմամբ՝ լրատվամիջոցներին և վերահսկող մարմիններին կոչ անելով ուշադիր հետևել պաշտոնյաների գործունեությանը։