Նախընտրելի
Ըստ իրանական անվտանգության ծառայությանը ծանոթ աղբյուրի՝ դատաբժշկական փորձաքննությունները ցույց են տվել, որ Իրանում վերջերս տեղի ունեցած անկարգությունների ժամանակ սպանված երեխաների մարմիններից իսրայելական ծագում ունեցող ռազմական նշանակության գնդակներ են հայտնաբերվել, գրում է «Իրանցի լրագրողի օրագիրը» թելեգրամյան ալիքը:
Ըստ լրատվական ալիքի՝ դեպքերից մեկը տեղի է ունեցել Սպահանում: Ութամյա աղջիկը կրակոց է ստացել իր ընտանիքի հետ առօրյա գնումների ժամանակ:
Երեխան մահացել է որովայնի, կզակի և գլխի հետևի մասում ստացած բազմաթիվ հրազենային վերքերից: Դատաբժշկական փորձաքննությունը հաստատել է, որ հայտնաբերված գնդակներն իսրայելական արտադրության են:
«Աղբյուրը հաղորդել է նաև մեկ այլ միջադեպի մասին, որը տեղի է ունեցել 2026 թվականի հունվարի 7-ի երեկոյան Քերմանշահում: Մելինա Ասադի անունով երեքամյա աղջիկը հոր հետ գնացել է դեղատուն՝ մանկական կաթնախառնուրդ և մրսածության դեմ դեղամիջոց գնելու:
Վերադարձի ճանապարհին նրանց վրա կրակել են թիկունքից, և երեխան տեղում մահացել է: Դատաբժշկական հետաքննությունը միաժամանակ ցույց է տվել, որ օգտագործված գնդակներն իսրայելական ռազմամթերք են եղել»,- հաղորդում է «Իրանցի լրագրողի օրագիրը»:
