Հունգարիայի վարչապետ Վիկտոր Օրբանը Ուկրաինային մեղադրել է իր երկրի ընտրություններին «բացահայտ միջամտելու» մեջ:

Ըստ նրա, «ուկրաինացիներն անցել են հարձակման»։

«Նրանց նպատակն է ֆինանսական միջոցներ ստանալ և որքան հնարավոր է շուտ մտնել Եվրոպական միություն: Որպես Եվրամիության անդամ՝ Հունգարիան «ոչ» ասելու իրավունք ունի: Մեր հայրենասիրական կառավարությունը հստակ «ոչ» է ասում: Չենք ուզում, որ հունգարական ընտանիքների գումարներն ուղարկվեն Ուկրաինա, և չենք ուզում, որ Հունգարիան ներքաշվի պատերազմի մեջ: Պետք է ցույց տանք, որ հունգարացիներին հնարավոր չէ սպառնալ կամ վախեցնել: Մենք այդպիսին չենք: Բրյուսելի հետ մենք հստակ ուղերձ ենք հղում նաև Կիևին. մենք չենք վճարելու»,- X սոցիալական ցանցում գրել է Հունգարիայի վարչապետը: