ԱՄՆ կիբերանվտանգության և ենթակառուցվածքների անվտանգության գործակալության (CISA) ղեկավարի ժամանակավոր պաշտոնակատար Մադհու Գոմմումուկկալան գաղտնի փաստաթղթեր է ներբեռնել ChatGPT-ի հանրամատչելի զրույցի մեջ, գրում է Politico-ն՝ վկայակոչելով իր աղբյուրներին։

Դեպքը տեղի է ունեցել 2025 թվականի ամռանը։ Ներբեռնված տվյալները չեն ներառել գաղտնի փաստաթղթեր, այլ ներառել են «միայն պաշտոնական օգտագործման համար» նշումով նյութեր։

ԱՄՆ կիբերանվտանգության և ենթակառուցվածքների անվտանգության գործակալությունը վերահսկող Ներքին անվտանգության նախարարությունը հետաքննություն է սկսել միջադեպի վերաբերյալ։ Արդյունքներն անհայտ են։

ChatGPT զրույցները լռելյայն հանրային են. եթե օգտատերը չի ջնջում դրանք, յուրաքանչյուրը կարող է մուտք գործել դրանց ուղիղ հղման միջոցով։ Նույնիսկ ջնջումից հետո արխիվացված զրույցները կարող են դիտել OpenAI մասնագետները՝ ChatGPT-ի հետագա ուսուցման համար։

Ի թիվս այլ բաների, ԱՄՆ կիբերանվտանգության և ենթակառուցվածքների անվտանգության գործակալությունը պատասխանատու է կարևոր ցանցերը Ռուսաստանի և Չինաստանի նման հակառակորդ երկրների հաքերային հարձակումներից պաշտպանելու համար։