Իրանի Իսլամական Հանրապետության զինված ուժերի գլխավոր շտաբը քննադատել է Եվրոպական Միությանը Իսլամական հեղափոխության պահապանների կորպուսը (ԻՀՊԿ) ահաբեկչական կազմակերպություն ճանաչելու համար, հաղորդում է Mehr-ը։

«Եվրոպական Միության իռացիոնալ, անպատասխանատու և զզվելի գործողությունները, անկասկած, ձեռնարկվել են Միացյալ Նահանգների և սիոնիստական ​​ռեժիմի գերիշխող և անմարդկային քաղաքականությանն անվերապահորեն ենթարկվելու պես, և դրանք արտացոլում են դաշինքի առաջնորդների թշնամանքի և դժգոհության խորությունը Իրանի ազնիվ ազգի, զինված ուժերի և հզոր երկրի՝ Իրանի Իսլամական Հանրապետության անվտանգության ու անկախության նկատմամբ»,- հայտարարել է Իրանի պաշտպանության բարձրագույն գերատեսչությունը։ Մարմինը միաժամանակ ԵՄ-ի քայլը որակել է որպես որևէ ռացիոնալությունից զուրկ, «որը ձեռնարկվել է Միացյալ Նահանգների մոլորված և զառսնցող նախագահի և ահաբեկչական, մանկասպան սիոնիստական ​​ռեժիմի ճնշման ներքո»։

ԻՀՊԿ-ի հայտարարության մեջ ընդգծվել է նաև, որ այդ գործողությունները միջազգային օրենքների և կանոնակարգերի, Միավորված Ազգերի Կազմակերպության կանոնադրության և երկրների ազգային ինքնիշխանության նկատմամբ հարգանքի անվիճելի սկզբունքների կոպիտ խախտում են։