Նախընտրելի
ԱՄՆ նախագահ Դոնալդ Թրամփը, որը հունիսին կդառնա 80 տարեկան, հայտարարել է, որ իրեն զգում է այնպես, ինչպես կես դար առաջ։
«Ես ինձ հիասքանչ եմ զգում թե՛ ֆիզիկական, թե՛ մտավոր առումով։ Իմ ինքնազգացողությունը նույնն է, ինչ 50 տարի առաջ։ Սա խենթություն է», — ասել է նա NBC News հեռուստաալիքին տված հարցազրույցում։
Ամերիկյան առաջնորդը հավելել է, որ գիտակցում է՝ ժամանակի ընթացքում այլևս չի կարողանա նման հայտարարություններով հանդես գալ, սակայն «այդ ժամանակը դեռ չի եկել»։ Նա նաև հայտարարել է, որ բժշկական հետազոտություններն անցնում է հիմնականում հանրության առջև հաշվետու լինելու համար։ «Ես դա անում եմ, որովհետև դրա հետ կապված որևէ խնդիր չունեմ», - եզրափակել է նա։
Թրամփը հունվարի 2-ին հայտարարել է, որ անցել է բժշկական զննում, որի արդյունքում Սպիտակ տան բժիշկները եզրակացրել են, որ նա կատարյալ առողջական վիճակում է։
