Նախընտրելի
Գերմանական ընկերությունը Նյուրնբերգում անցկացված պաշտպանական ցուցահանդեսում ներկայացրել է DroneHammer ոչ թանկ հակադրոնային համակարգը։
Հրթիռների և անօդաչու թռչող սարքերի մասնակցությամբ մարտերը եկել են փոխարինելու երկու բանակների միջև ավանդական դիմակայությանը ժամանակակից պատերազմում։
Գերմանական ընկերությունը մշակել է անօդաչու թռչող սարքերին արդյունավետորեն հակազդելու միջոց, հաղորդում է Euronews-ը։ Համակարգը լազերային ուղղորդմամբ պաշտպանական հրթիռ է։ Մոտավորապես 2500 եվրո արժողությամբ հրթիռն ունի լազերային ուղղորդմամբ օպտիկական գլխիկ և զգալիորեն ավելի էժան է, քան շուկայում առկա նմանատիպ համակարգերը։ Արկն ունի առավելագույնը 2000 մետր հեռահարություն, կշռում է մեկ կիլոգրամից պակաս և նախատեսված է թիրախներին բախվելու համար՝ կողմնակի վնասի ցածր ռիսկով։
Ի տարբերություն ավանդական համակարգերի, Հյուսիսային Հռենոս-Վեստֆալիայի Հյուրտ քաղաքում գտնվող Skylance ընկերությունն օգտագործում է լազերային էներգիայի և ծրագրային ալգորիթմների համադրություն։ Թիրախներին հայտնաբերում և հետևում են ոչ թե ավանդական որոնողական գլխիկներով, այլ ծրագրային ալգորիթմներով և պատկերի մշակման մեթոդներով։
Կրակող մեխանիզմն ունի նաև իր առավելությունները, մարտագլխիկի մեջ ներկառուցված է բեկորային մեխանիզմ: Մարտագլխիկը նախատեսված է թիրախից մի քանի մետր հեռավորության վրա պայթեցնելու համար՝ անօդաչու թռչող սարքը վնասազերծելով բեկորների բարձր կոնցենտրացիայի ամպով: Պնդում են, որ այս մեթոդն ունի 99% հաջողության մակարդակ:
