Ռուսաստանը անընդունելի է համարում Կասպից ծովում լոգիստիկայի և առևտրի սպառնալիքները, որոնք ներկայացնում է Իսրայելը, ճեպազրույցի ժամանակ հայտարարել է Արտաքին գործերի նախարարության խոսնակ Մարիա Զախարովան, հաղորդում է ՏԱՍՍ-ը։

«Իսրայելի կողմից ջրերին, այդ թվում՝ առևտրին և ապրանքների տեղափոխմանը ներկայացվող սպառնալիքները մեզ համար անընդունելի են և, մեր խորը համոզմամբ, արժանի են բոլոր ափամերձ պետությունների խստագույն դատապարտմանը», - ասել է Զախարովան։

Ավելի վաղ՝ մարտի կեսերին, ԱՄՆ-ն և Իսրայելը հրթիռային հարված են հասցրել Կասպից ծովի ափին գտնվող Բանդար Անզալի իրանական նավահանգստին։ Հարձակումը զգալի վնաս է հասցրել նավահանգստային ենթակառուցվածքներին և լոգիստիկ կառույցներին։

Ավելին, մարտի 18-ին Իսրայելի պաշտպանության ուժերը հայտնել են, որ «Մռնչացող առյուծ» գործողության շրջանակներում Իսրայելի ռազմաօդային ուժերը առաջին անգամ սկսել են հարվածել Իրանի հյուսիսում գտնվող թիրախներին։