Իրանի նախագահ Մասուդ Փեզեշքիանը հանդես է եկել ուղերձով՝ ամերիկյան ազգին: Փետրվարի վերջից ի վեր Իսլամական Հանրապետության դեմ ԱՄՆ-ի և Իսրայելի լայնածավալ ռազմական արշավի ֆոնին քաղաքական գործիչը նամակ է գրել ԱՄՆ բնակիչներին:

Իրանի նախագահի ուղերձի առանցքային կետերը.

Իրանական ժողովուրդը թշնամանք չի տածում այլ ազգերի, այդ թվում՝ Ամերիկայի, Եվրոպայի կամ հարևան պետությունների ժողովուրդների նկատմամբ:

Իրանի գործողությունները օրինական ինքնապաշտպանության վրա հիմնված կշռադատված պատասխան են և ոչ բնավ պատերազմի կամ ագրեսիայի սկիզբ:

Իրանի ենթակառուցվածքների վրա ԱՄՆ հարձակումներն ուղղված են  Իրանի ժողովրդի դեմ և ռազմական հանցագործություն են:

ԱՄՆ-ն Իրանի դեմ պատերազմի մեջ մտավ որպես Իսրայելի խամաճիկ, որը ձգտում է աշխարհի ուշադրությունը շեղել պաղեստինցիների դեմ իր հանցագործություններից:

Իրանի և ԱՄՆ-ի միջև դիմակայությունը շարունակելու իմաստ չկա. առճակատման և փոխգործակցության միջև ընտրությունն իրական է և կորոշի սերունդների ապագան: