Բրիտանիայի պաշտպանունակության բարձրացման մասին օրենքը չի ընդունվի մինչև 2027 թվականը․ The Times

Անհրաժեշտության դեպքում արդյունաբերության ռազմական ռելսերի փոխադրելու նախագիծն առաջին անգամ հանրայնացվել էր 2025-ի հունիսին՝ երկրի պաշտպանական ռազմավարության վերանայման ժամանակ։ Նախատեսվում էր, որ օրենսդիրները դրա քննարկմանը կանցնեն արդեն 2026-ի սկզբին։ Սակայն, ըստ հոդվածի, գործընթացը սառեցվել է մի քանի գերատեսչությունների մտահոգությունների պատճառով․ վերջիններս համարում են, որ օրենքի կիրառման նախապատրաստական փուլը պատշաճ չի իրականացվել։

The Times-ի փոխանցմամբ՝ այս հետաձգման քննադատները զգուշացնում են, որ աճող աշխարհաքաղաքական ռիսկերի պայմաններում նման դանդաղկոտությունը կարող է վարկաբեկել Լոնդոնին ինչպես հակառակորդների, այնպես էլ դաշնակիցների աչքում։

Ընդդիմությունն արդեն իսկ մեղադրել է իշխող Լեյբորիստական կուսակցությանը երկրի համար կենսական նշանակություն ունեցող հարցերում դանդաղելու մեջ։ Ի պատասխան՝ կառավարությունում թերթի աղբյուրները հակադարձել են, թե պաշտպանունակության բարձրացումը հնարավոր է նաև առանց համապատասխան օրինագծերի ներդրման։