Հունգարիան նախատեսում է ԱՄՆ-ից նավթ գնելու համաձայնագիր ստորագրել ԱՄՆ փոխնախագահ Ջ.Դ. Վենսի Բուդապեշտ կատարած այցի ընթացքում, հաղորդում է Bloomberg-ը՝ հղում անելով իր աղբյուրին։

Գործակալության տվյալներով՝ հունգարական MOL ընկերությունը կարող է մոտավորապես 500,000 տոննա նավթ գնել մոտավորապես 500 միլիոն դոլարով։ Գործարքի մասին կհայտարարվի Վենսի և Հունգարիայի վարչապետ Վիկտոր Օրբանի համատեղ մամուլի ասուլիսում։

Ինչպես նշվում է, ԱՄՆ փոխնախագահի այցի առանցքային նպատակն ապրիլի 12-ին նշանակված խորհրդարանական ընտրությունների նախաշեմին Օրբանին հրապարակային աջակցություն ցուցադրելն է։ Ավելի վաղ Հունգարիայի վարչապետին արդեն բացահայտորեն աջակցել էր նաև ԱՄՆ նախագահ Դոնալդ Թրամփը, որին Օրբանն իր հերթին սատարել էր նախընտրական արշավների ժամանակ։

Բուդապեշտ մեկնելուց առաջ Վենսը լրագրողներին հայտնել է, որ սպասում է Օրբանի հետ հանդիպմանը, որին անվանել է իր ընկերը։ Նա նշել է, որ բանակցությունների ընթացքում նախատեսում է քննարկել երկկողմ հարաբերությունները, ինչպես նաև ուշադրություն դարձնել Եվրոպայում տիրող իրավիճակին, Ուկրաինային և այլ հարցերի։