նախընտրելի դարձնել
Ռուսաստանի Դաշնության ալկոհոլի և ծխախոտի շուկաների վերահսկողության դաշնային ծառայությունը, էթիլային սպիրտի, ալկոհոլային խմիչքների և ալկոհոլ պարունակող արտադրանքի արտադրության և շրջանառության վերահսկողության (վերահսկողության) իր լիազորությունների շրջանակում, չնախատեսված ստուգում է անցկացրել «Պռոշյանի կոնյակի գործարան» ՍՊԸ-ում, որը ներմուծում է կոնյակի արտադրանք, ասվում է Ռոսալկոհոլտաբակկոնտրոլ-ի (Росалкогольтабакконтроль) հայտարարության մեջ:
Ըստ գերատեսչության հայտարարության՝ ստուգման ընթացքում կազմակերպությունը Ռուսաստանի Դաշնություն ներմուծված կոնյակի նմուշներ է հավաքել:
Նշվում է, որ հավատարմագրված լաբորատորիայի անցկացրած ստուգումը ցույց է տվել, որ արտադրանքը չի համապատասխանում ГОСТ-ի պահանջներին. «հայտնաբերվել են ոչ խաղողի ծագումով սպիրտներ, ինչպես նաև արտադրանքի կազմի և հայտարարված անվանման միջև անհամապատասխանություն (արտադրանքը չի համապատասխանում «կոնյակ» եզրույթին)»:
«Նշված խախտումները հիմք հանդիսացան, որ Ծառայությունը լիցենզիայի չեղարկման, ինչպես նաև դրա կասեցման վերաբերյալ դատական հայց ներկայացնելու որոշում ընդունի։
Բացի դրանից, հաստատվել են Ռուսաստանի Դաշնության Վարչական իրավախախտումների օրենսգրքի 14.43-րդ հոդվածով նախատեսված իրավախախտման տարրեր։
Նշված լիցենզիան չեղարկելու հարցը ներկայում քննարկում է Արբիտրաժային դատարանը։
«Ռոսալկոգոլտոբակկոնտրոլ»-ը շուկայի մասնակիցների ուշադրությունը հրավիրում է այն փաստի վրա, որ ըստ1995 թվականի նոյեմբերի 22-ի «Էթիլային սպիրտի, ալկոհոլային և ալկոհոլ պարունակող արտադրանքի արտադրության և շրջանառության պետական կարգավորման, ինչպես նաև ալկոհոլային արտադրանքի սպառման (խմելու) սահմանափակման մասին» թիվ 171-FZ դաշնային օրենքի՝ Ռուսաստանի Դաշնություն ներմուծվող ալկոհոլային խմիչքների որակը պետք է համապատասխանի ալկոհոլային խմիչքների արտադրության և շրջանառության պետական ստանդարտներին և տեխնիկական պայմաններին։ «Խաղողագործության և գինեգործության մասին օրենսդրությամբ սահմանված պահանջների խախտմամբ գինու արտադրանքի շրջանառությունը դատարանի որոշմամբ լիցենզիայի չեղարկման հիմք է»,- ասվում է ռուսաստանյան գերատեսչության հայտարարության մեջ։
