նախընտրելի դարձնել
Ռուսաստանի արտաքին գործերի փոխնախարար Միխայիլ Գալուզինը եւ Մոսկվայում Հայաստանի դեսպան Գուրգեն Արսենյանը քննարկել են երկու երկրների ղեկավարների միջեւ բանակցությունների արդյունքում ձեռք բերված պայմանավորվածությունների իրականացման ընթացքը, նշվել է Ռուսաստանի դիվանագիտական առաքելության հայտարարության մեջ։
«Կայացել է մտքերի փոխանակում երկկողմ հարաբերությունների հրատապ հարցերի շուրջ՝ Ռուսաստանի նախագահ Վլադիմիր Պուտինի եւ Հայաստանի վարչապետ Նիկոլ Փաշինյանի միջեւ Մոսկվայում վերջերս կայացած բանակցությունների ֆոնին։ Ընդգծվել է ամենաբարձր մակարդակով ձեռք բերված պայմանավորվածությունների իրականացման ուղղությամբ ակտիվ համատեղ աշխատանքի կարեւորությունը, այդ թվում՝ առեւտրային, տնտեսական, մշակութային եւ հումանիտար ոլորտներում, ինչպես նաեւ համատեղ ինտեգրացիոն միավորումների շրջանակներում համագործակցության վերաբերյալ»,- նշել են նախարարությունում։
Կողմերը քննարկել են նաեւ տարածաշրջանային հարցեր՝ Հարավային Կովկասում տնտեսական համագործակցության զարգացման եւ տրանսպորտային կապերի հաստատման, ինչպես նաեւ 3+3 տարածաշրջանային համագործակցության հարթակի գործունեության շարունակման առումով։
Նախարարությունում ընդգծել են, որ հանդիպումն անցել է բարեկամական մթնոլորտում։
