Իսրայելի արտաքին գործերի նախարարության գլխավոր տնօրեն Էդեն Բար-Տալը հեռախոսազրույց է ունեցել Իսրայելում Իսպանիայի դեսպանատան գործերի ժամանակավոր հավատարմատար Ֆրանսիսկա Պեդրոսի հետ՝ «Էլ Բուրգո քաղաքում տեղի ունեցած վարչապետ Բենիամին Նեթանյահուի խրտվիլակն այրելու ցնցող հակասեմական գործողությունից հետո», հայտնում է Ynet-ը։

«Գլխավոր տնօրենը հստակ հասկացրել է, որ այս արարքը սարսափելի է և Իսրայելի դեմ Պեդրո Սանչեսի կառավարության համակարգված հրահրիչ գործունեության ուղղակի հետևանքն է։ Պակաս վրդովեցուցիչ չէ այն փաստը, որ մինչև այս պահն Իսպանիայի կառավարությունը հարկ չի համարել դատապարտել հակասեմականության այս ակնհայտ դրսևորումը։ Նման վարքագիծը միանգամայն անընդունելի է»,- նշվում է հայտարարության մեջ։