նախընտրելի դարձնել
ԱՄՆ նախագահ Դոնալդ Թրամփը Truth Social սոցիալական ցանցում հայտարարել է, որ Իսրայելի վարչապետ Բենիամին Նեթանյահուին և Լիբանանի նախագահ Ջոզեֆ Աունին կհրավիրի Սպիտակ տուն։
Գրառման մեջ նա պատմել է երկու երկրների ղեկավարների հետ իր զրույցների մասին։
«Ես հենց նոր հրաշալի զրույցներ ունեցա Լիբանանի բարձր հարգանքի արժանացած նախագահ Ջոզեֆ Աունի և Իսրայելի վարչապետ Բիբի Նեթանյահուի հետ։ Այդ երկու առաջնորդները համաձայնեցին, որ իրենց երկրների միջև ԽԱՂԱՂՈՒԹՅԱՆ հասնելու համար նրանք պաշտոնապես կհայտարարեն 10-օրյա հրադադարի մասին 17:00-ին Արևելյան ժամանակով։ Երեքշաբթի օրը երկու երկրների ներկայացուցիչները հանդիպեցին այստեղ՝ Վաշինգտոնում, 34 տարվա ընթացքում առաջին անգամ, մեր մեծ պետքարտուղար Մարկո Ռուբիոյի հետ։
«Ես հանձնարարել եմ փոխնախագահ Ջեյ Դի Վենսին, պետքարտուղար Ռուբիոյին և Շտաբների պետերի միացյալ կոմիտեի նախագահ Դեն Ռազին Քեյնին համագործակցել Իսրայելի և Լիբանանի հետ՝ երկարատև ԽԱՂԱՂՈՒԹՅԱՆ հասնելու համար։ Իմ պատիվն է եղել աշխարհում ինը պատերազմ լուծելը, և սա կլինի իմ 10-րդը, այնպես որ եկեք վերջ դնենք դրան»,- գրել է Թրամփը։
Իր երկրորդ գրառման մեջ ԱՄՆ նախագահը հայտարարել է, որ Իսրայելի վարչապետ Բենիամին Նեթանյահուին և Լիբանանի նախագահ Ջոզեֆ Աունին կհրավիրի Սպիտակ տուն՝ «1983 թվականից ի վեր Իսրայելի և Լիբանանի միջև առաջին բովանդակալից բանակցությունների համար, որոնք տեղի են ունեցել վաղուց»։
«Երկու կողմերն էլ ԽԱՂԱՂՈՒԹՅՈՒՆ են ցանկանում, և ես հավատում եմ, որ դա անհապող տեղի կունենա»,- հավելել է Թրամփը։
