ԱՄՆ-ում մինչև հաջորդ տարի բենզինի գինը կարող է չնվազել 3 դոլարից (մեկ գալոնի դիմաց, մոտ 3,79 լիտր - խմբ.), այսօր CNN-ին տված հարցազրույցում ասել է երկրի էներգետիկայի նախարար Քրիս Ռայթը։

Նա չի բացառել, որ այդ ցուցանիշին հնարավոր կլինի հասնել այս տարի ավելի ուշ։

«Բայց գները, հավանաբար, հասել են իրենց գագաթնակետին և կսկսեն նվազել։ Միանշանակ, այս հակամարտության հանգուցալուծմամբ... էներգակիրների գները բոլոր ուղղություններով կնվազեն»,- ասել է Ռայթը։

Իրանի հետ հակամարտության սկզբից ի վեր սովորական չէթիլացված բենզինի գները մեկ գալոնի դիմաց աճել են ավելի քան մեկ դոլարով, ինչը հիմնականում պայմանավորված էր Հորմուզի նեղուցով նավթի համաշխարհային մատակարարումների ընդհատումներով։ Վեց շաբաթ առաջ Ռայթն ասել էր, որ լցակայաններում գների բարձրացումը կարճատև կլինի և «կտևի շաբաթներ, այլ ոչ թե ամիսներ»։