ՄԱԿ-ի ESCAP-ի գործադիր քարտուղար Արմիդա Սալսիահ Ալիսջաբանան հայտարարել է, որ Մերձավոր Արևելքի հակամարտությունը Ասիա-Խաղաղօվկիանոսյան տարածաշրջանում տասնամյակների ընթացքում ամենալուրջ էներգետիկ ճգնաժամն է առաջացրել։

Բանգկոկում ESCAP-ի 82-րդ նստաշրջանի բացման ժամանակ ելույթ ունենալով՝ նա նշել է, որ տարածաշրջանի կայունությունը ճնշման տակ է աշխարհաքաղաքական լարվածության աճի և տնտեսական պրոտեկցիոնիզմի աճի պայմաններում։

Ըստ նրա՝ հակամարտությունը բացահայտել է էներգետիկայի, առևտրի, տրանսպորտային կապերի և մատակարարման շղթաների կառուցվածքային խոցելիությունները, որոնք կարող են հանգեցնել հետագա սոցիալ-տնտեսական հետևանքների, եթե շարունակվեն։

Ալիսաջաբանան ընդգծել է, որ տարածաշրջանի առևտրային և տնտեսական գործունեության մոտ 60%-ը տեղի է ունենում Ասիա-Խաղաղօվկիանոսյան տարածաշրջանում, ինչը այն դարձնում է միաժամանակ փոխկապակցված և խոցելի։

Նա հավելել է, որ տարածաշրջանային ճարտարապետությունն արդեն փոխվում է. առևտրային և ներդրումային մոդելները, մատակարարման շղթաները և էներգետիկ համակարգերը վերակառուցվում են, և ի հայտ են գալիս նոր դաշինքներ։

Միևնույն ժամանակ, նա նշել է, որ տարածաշրջանն ունի հարմարվելու և զարգանալու ներուժ՝ շնորհիվ տնտեսական դինամիզմի, տեխնոլոգիական զարգացման և միջազգային համագործակցության, ինչը կարող է ամրապնդել դիմադրողականությունը և անվտանգությունը ապագայում։