ՆախընտրելիՆյու Յորքում Heritage Auctions աճուրդում փետրվարի 23-ին վաճառել են կոմիքսներ` 3,5 միլիոն դոլար արժեքով:
Ինչպես հայտնում է Lenta.ru-ն, 345 կոմիքսներից բաղկացած հավաքածուն, որից 45-ը մտնում են «Կոմիքսների ոսկեդարի» (1930-1950) առավել արժեքավոր հարյուրյակի մեջ, հավաքել էր Բիլլի Ռայթը:
Ամենաթանկը Detective Comics (1939) հավաքածուի 27-րդ համարն է, որում առաջին անգամ հայտնվում է Բեթմենը: Այն գնել են 523 հազար դոլարով: Աճուրդում վաճառել են նաեւ Action Comics-ի (1938) առաջին թողարկումը, որտեղ հայտնվում է Գերմարդը:
Դրա համար վճարել են 299 հազար դոլար:
Նշենք, որ Բիլլի Ռայթը մահացել է 1994թ., իսկ եզակի հավաքածուն 2011թ. հայտնաբերել են նրա հարազատները, երբ մաքրում էին նկուղը:
