NEWS.am-ը ներկայացնում է ԱՄՆ խաղաղության կորպուսի կամավոր Ստյուրատ Բրյուստերի`«Los Gatos Weekly Times»-ում հրապարակված հոդվածը որոշ կրճատումներով:
Խաղաղության կորպուսում իմ երկամյա ծառայությունը շուտով ավարտվում է: Մեկ տարի առաջ «Los Gatos Weekly Times» -ը հրապարակեց իմ նախորդ հոդվածը, որում ես նկարագում էի, որ ամերիկացիները կարող են հիանալ հայերի հյուրընկալությամբ, ինքնաբավությամբ, տոկունությամբ, չնայած մեծ խնդիրներին, եւ երեխաների նկատմամբ անսահման սիրով:
Հայկական ասացվածքն ասում է, թե «հնարավոր չէ ուրիշի աչքերով տեսնել»: Հիմա իմ ծեր աչքերն արդեն շատ բան են տեսել Խաղաղության կորպուսի շնորհիվ:
Ես աշխատել եմ համայքային տարբեր ծրագրերում եւ շատ հրաշալի հայերի եմ հանդիպել: Ամենաշնորհակալ գործն անգլերեն սովորող ուսումնատենչ դեռահասների հետ աշխատանքն էր, ինչպես նաեւ դիաբետով տառապողների աջակցության համայնքային խմբերի ստեղծումը, արվեստի մարզային փառատոնների ծրագրումը:
Հայերը խորը հարգանք են տածում տարեց մարդկանց նկատմամբ, այնպես որ, հնարավոր է, իմ ալեհեր մազերն ինձ առավելություն տվեցին: Ավելին, այնպիսի զգացողություն ունեմ, թե այստեղ ապրում եմ համայնքի բազմակողմ պաշտպանության ներքո: Տեղական ոստիկանության ներկայցուցիչն ինձ ասաց, որ անձնական պատասխանատվություն է կրում իմ անվտանգության համար, երբ ժամանեցի: Այն ոչ կառավարական կազմաերպություն ղեկավարը, որի հետ ես աշխատում էի, ինձ ներկայացրեց շատ համայնքային առաջնորդների, նաեւ ուսուցիչների, բժիշկների, գործարարների եւ իմ հավատարիմ օգնականը դարձավ: