«Ամերիաբանկը» պատրաստ է մասնակցել Հայաստանի համար նոր օդանավերի լիզինգի վերաբերյալ գործարքներին: Այս մասին հայտարարել է բանկի կոռպորատիվ հաճախորդների հարցերով տնօրեն Գագիկ Սահակյանը՝ պատասխանելով NEWS.am-ի թղթակցի հարցին: Նրա խոսքով՝ բանկն արդեն հայտնել է այդ պատրաստակամության մասին «Էյր Արմենիա» ավիաընկերությանը:

«Տեսական պատասխանը դրական է: Մենք պատրաստ ենք քննարկել տարբերակները: Բնականաբար, հարկավոր է ավելի լավ իմանալ, որ հենց ընկերությունն է պատրաստ ներդրումներ անել իր զարգացման համար»,-հայտարարել է Սահակյանը: Այնուամենայնիվ, «Ամերիա» խումբը ծանոթ է Հայաստանի քաղավիացիայի ճյուղին: «Մենք օգնել ենք միջազգային McKinsie  քոնսալթինգային ընկերությանը նրանց վերլուծության հետ, որի հիման վրա նրանք հետագայում առաջարկություն են արել Հայաստանի կառավարությանը»:

Բացի այդ, «Ամերիաբանկն» համագործակցության մեծ փորձ է ունեցել  եւ ունի նախկին ավիափոխադրող «Արմավիայի» հետ: «Այնպես որ ճյուղը մենք բավականին լավ գիտենք»,-ընդգծել է Սահակյանը:

Հիշեցնենք, որ այս տարվա հոկտեմբերից «Էյր Արմենիան», որը նախկինում զբաղվում էր միայն բեռնափոխադրմամբ, սկսել է աշխատել ուղեւորափոխադրման ոլորտում: Ընկերությունն արդեն ձեռք է բերել երկու օդանավ՝ Boeing 737 եւ A320, իսկ մինչեւ մյուս տարվա կեսը ցանկանում է ավիապարկը հասցնել հինգի: