Վարչապետ Հովիկ Աբրահամյանը այցելությունը սուպերմարկետներ իր ազդեցությունը կունենա գների վրա: Այս մասին NEWS.am-ի թղթակցի հետ զրույցում ասաց նախկին վարչապետ, այժմ ՀՀԿ-ական պատգամավոր Խոսրով Հարությունյանը:
Նա նշեց, որ իր այս քայլով վարչապետը շատ հստակ հանրությանը ցուցադրում է, որ ինքը շատ պատասխանատու է իրեն զգում ֆինանսական շուկայում ստեղծված իրավիճակի եւ դրանով պայմանավորված գների անկանոն զարգացումների նկատմամբ:
«Վարչապետը հստակ հանրությանը իր պատասխանատվությունն է ցուցադրում: Անշուշտ, ոչ ստանդարտ այդ մոտեցումները, գների նկատմամբ անմիջական հետաքրքրվածությունը առաջ է բերելու տնտեսվարողների մոտ սպեկուլացիաների դեմ ակնհայտ պրոցեսներ: Պարզ չի, որ սուպերմարկետների տերերը, ներմուծողները, գները որոշողները այլեւս հասկանում են, որ այդ ամենը գտնվում է վարչապետի ուշադրության կենտրոնում, հետեւաբար՝ զսպող ազդեցության կունենա այդ ամենը»,-ասաց նախկին վարչապետը:
Նա նշեց, որ բացի ՏՄՊՀ-ից՝ որեւէ այլ գործիք չկա ազդելու գների վրա, վարչապետի նման հրապարակային հետաքրքրվածությունը վարչական ազդեցություն չի ունենա, բայց շատ էֆեկետիվ կլինի: Պատգամավորը շեշտեց, որ սպեկուլյատիվ պրոցեսների արդյունքում գների անբացատրելի եւ անհիմն բարձրացում է արձանագրվել, որը պահանջարկով չէ պայմանավորված, իր մեջ պարունակում է սպեկուլատիվ էլեմենտներ: Հարցին, թե արդյոք սա Հովիկ Աբրահամյանի կողմից PR քայլ չէր, Խոսրով Հարությունյանն այսպես արձագանքեց. «Հովիկ Աբրահամյանը այս ամենը անում է քաղաքացիների հոգսը ամանորի շեմին թեթեւացնելու համար, որ գները գոնե տրամաբանական շեմի վրա հայտնվեն: Փիառ էր, փիառ չէր, թող հանրությունը գնահատի, փաստը մնում է փաստ, դա անում է շարքային քաղաքացու հոգսերով մտահոգված եւ անշուշտ այն դրական ազդեցություն կունենա»,-ասաց Խոսրով Հարությունյանը:
Նշենք, որ վարչապետ Հովիկ Աբրահամյանը անակնկալ այցելել է մի շարք սուպերմարկետներ՝ «Սաս«, «Երեւան Սիթի«, «Նոր զովք», ծանոթացել գներին:
