Հոնկոնգի ոստիկանությունը քննում է Emperor Jewellery ոսկեղենի խանութից խոշոր գողության գործը: Գողացված ադամանդե զարդի արժեքը կազմում է մի քանի միլիոն դոլար:Խանութի տեսախցիկներից մեկը ֆիքսել է գողերից մեկին, որը պարզվել է աղջիկ է: Տեսքից նա 12-14 տարեկան է, գրում է The South China Morning Post-ը:
Ոստիկանությանը տվյալներով, գողերը 4-ն են եղել՝ երկու տղամարդ, մին եւ աղջիկ: Մինչ մեծահասակները շեղել են վաճառողների ուշադրությունը, դեռահաս աղջիկը գողացել է ցուցափեղկերի բանալին, բացել այն եւ գողացել մանյակը, որը պարունակում է 20 գրամ ոսկի եւ 30 ադամանդներ: Մանյակի արժեքը գնահատվում է 36 մլն հոնկոնգյան դոլար (ավելի քան 4,6 մլն ԱՄՆ դոլար), հաղորդում է NEWSru.com-ը:
Դեռահաս գող աղջիկը մանյակը թաքցրել է գրպանում, իսկ հետո արագ դուրս է եկել խանութից ու անհետացել տաքսիով: Գողության ենթադրյալ մեծահասակ մասնակիցները նույնպես լքել են ոսկեղենի խանութը որպես սովորական այցելուներ: Խանութում նրանք անցկացրել են մոտ 30 րոպե, բայց այդպես էլ ոչինչ չեն գնել:
Գողությունից մոտ երկու ժամ անց խանութի 63-ամյա աշխատակիցը նկատել է մանյակի բացակայությունը եւ ոստիկանություն կանչել:
