Սերն ու ընտանիքն այնքան էլ անհրաժեշտ չեն հոգեկան հավասարակշռության եւ հանգստության համար: Այդ մասին խոսվում է Նոր Զելանդիայի Օոուքլենդի համալսարանի գիտնականների վերջին հետազոտություններում:
Հետազոտությանը մասնակցել է 18-ից 94 տարեկան ավելի քան 4 հազար մարդ:
Արդյունքում պարզվել է, որ միայնակ կյանքը ոմանց ավելի երջանիկ է դարձնում, քան ընտանեկանը:
Ընդ որում, ինչպես պնդում են հետազոտության հեղինակները, այն մարդիկ, որոնք առանց ընտանիքի իրենց ավելի երջանիկ են զգում, պարտադիր չէ, որ ինտրովերտներ լինեն: Ավելի հաճախ միայնության մեջ իրենց ավելի լավ են զգում նրանք, ովքեր ձգտում են խուսափել հակամարտություններից դրանց որեւէ դրսեւորմամբ, իսկ ընտանեկան կյանքում կամ սիրային հարաբերություններում ընդհարումներն ու վեճերն անխուսափելի են:
Հոգեբանների կարծիքով այն մարդկանց համար, ովքեր միշտ ձգտում են ցանկացած եղանակով խուսափել հակամարտություններից, միայնակ կյանքը հոգեկան հավասարակշռությունը պահպանելու ամենալավ միջոցն է: Հետազոտության ամբողջական տեքստին կարելի է ծանոթանալ Social Psychological and Personality Science ամսագրում, հաղորդում է Газета.Ru-ն: