Երեւանի Քանաքեռ-Զեյթուն վարչական շրջանի քրեական հեղինակությունները մարտի 16-ին տարվել են ոստիկանության բաժին: NEWS.am-ին հայտնի է դարձել, որ նրանց թվում են եղել նույն համայնքում հայտնի քրեական հեղինակություններ Կյաժ Արթուրը, Սեւոն եւ Գափոն: Նրանց բաժին տանելը եւս եղել է նախօրեին մեկնարկած «պրոֆիլակտիկ» աշխատանքների շրջանակում:
Նշենք, որ մարտի 15-ին ավելի քան հարյուր թաղային հեղինակություններ ու քրեական դեմքեր են տարվել Երեւանի տարբեր բաժիններ:
Ոստիկանության լրատվության ծառայությունից NEWS.am-ի հետ զրույցում հայտնել էին, որ նման միջոցառումներ մշտապես իրականացվում են:
Ենթադրվում է, որ այս գործողությունները հաջորդել են ոստիկանապետ Վլադիմիր Գասպարյանի վերջին խորհրդակցությանը, որի ժամանակ ոստիկանապետը պատերազմ էր հայտարարել կրիմինալ աշխարհին:
